Nylige søk
Alternativer for søk
Frå boka Campusen som sokk i Nidelva, utgjeven på Universitetsforlaget i 2072:
Då rektor føretok den høgtidlege opninga av fellescampus på Gløshaugen i 2029, hausta han mykje skryt frå direktørane sine for den fantastiske festtalen. Dei meinte at talen viste for heile verda kva NTNU hadde fått til, og korleis det faktisk skal gjerast. Adresseavisens journalist på staden spurde rektor etterpå om han hadde fått konsulenthjelp i taleskrivinga. (1/4)
– Nei, ingen konsulentar her, svarte rektor stolt: Eg tok rett og slett talen som riksrevisoren heldt den 24. oktober 2024, søkte opp alle førekomstar av ordet «Helseplattformen», og erstatta det med «Campusprosjektet». Då vart det skikkeleg festtale. (2/4)
Rektor la til at han for skams skuld hadde ført riksrevisoren som medforfattar for talen. Riksrevisoren ytra seinare misnøye med dette, då han opphavleg hadde planlagt å bruke nøyaktig same forfattarstrategi for å skrive sin tale om nettopp campussamlinga etter kontrollen i 2031. Heile rapporten hans om prosjektet vart den gongen stoppa pga. mistanke om sjølvplagiat. (3/4)
Då campus Gløshaugen sidan sokk i Nidelva under det store kvikkleireskredet i 2036, var det endeleg empirisk stadfesta at prosjektet ikkje var bygt på sandgrunn. Den dag i dag vert det fortalt at om natta kan ein høyre gjenklangen av dei siste ropa frå hovudbygninga: «Sjå, no bumpar dei borti kvarandre, no bumpar dei!» (4/4)